देशभरात प्रसिद्ध असणारे विनोदवीर राजू श्रीवास्तव यांना १० ऑगस्ट रोजी जिममध्ये व्यायाम करताना हृदयविकाराचा झटका आला. त्यानंतर लगेचच उपचारासाठी त्यांना दिल्लीतील इस्पितळात दाखल करण्यात आले. दरदिवशी तब्येतीत थोडी थोडी सुधारणा दाखवणाऱ्या राजू श्रीवास्तव यांनी तब्येत अचानक खालावली आणि आज २१ सप्टेंबर रोजी त्यांनी दिल्लीत जगाचा निरोप घेतला. राजू श्रीवास्तव हे फार प्रसिद्ध विनोदी कलाकार असले तरी फार कमी लोकांना त्यांच्या करिअरबाबत माहिती आहे. त्यामुळे आता आपण आपल्या विनोदांनी अनेकांच्या चेहऱ्यावर हसू आणणाऱ्या या विनोदवीराच्या करिअर ग्राफवर एक नजर टाकणार आहोत:
राजू श्रीवास्तव यांनी भारतात आणि परदेशात स्टेज शो केले आहेत. सुरुवातीला अमिताभ बच्चन सारखा दिसणारा माणूस म्हणून त्यांना ओळखले जाऊ लागले.
त्यांनी बॉलीवूड चित्रपटांमध्ये छोट्या भूमिका करून करिअरला सुरुवात केली. मैंने प्यार किया, बाजीगर, बॉम्बे टू गोवा आणि आमदनी अठ्ठंनी खर्चा रुपया यांसारख्या विविध चित्रपटांमध्ये त्यांनी भूमिका केल्या होत्या.
राजू श्रीवास्तव यांनी द ग्रेट इंडियन लाफ्टर चॅलेंज या टॅलेंट शोद्वारे स्टँड-अप कॉमेडीमध्ये प्रवेश केला.
त्यानंतर स्पिन-ऑफ, द ग्रेट इंडियन लाफ्टर चॅलेंज – चॅम्पियन्समध्ये भाग त्यांनी घेतला आणि कॉमेडीचा राजा हा किताब पटकावला.
राजू श्रीवास्तव यांनी बिग बॉस सीझन ३ मध्ये देखील भाग घेतला होता. परंतु, दोन महिन्यांहून अधिक काळ घरात राहिल्यानंतर ते बाहेर पडले.
नंतर त्यांनी कॉमेडी का महा मुकाबला या कॉमेडी शोमध्ये भाग घेतला आणि २०१३ मध्ये, राजू, त्यांच्या पत्नीसह, नच बलिए सीझन ६ मध्ये देखील सहभागी झाले होते
तसेच ते कॉमेडी नाइट्स विथ कपिलमध्ये देखीलमजाक मजाक में उर्फ द इंडियन मजाक लीग या स्टँड-अप कॉमेडी शोमध्ये देखील ते सहभागी झाले होते. ज्यात लोकप्रिय क्रिकेटपटू हरभजन सिंग आणि शोएब अख्तर हे जज होते.
