यंदा गणेशोत्सवा दरम्यान दर्शन घ्या मुंबईतील ‘या’ प्रसिद्ध गणेश मूर्तींचे
आज मुंबईतल्या काही अशाच सार्वजनिक मंडळांबद्दल आपण जाणून घेणार आहोत
Team Timemaharashtra
Published on: Sat 27th August 2022, 06:56 PM
दरवर्षी एकतर ऑगस्ट किंवा सप्टेंबरमध्ये, गणपतीचे आगमन होते आणि मग गणेशोत्सवाला सुरुवात होते. संपूर्ण देशात जरी गणेशोत्सव साजरा होत असला तरी महाराष्ट्रात आणि त्यातही मुंबईत मोठ्या प्रमाणावर आणि मोठ्या उत्साहाने साजरा केला जातो. लोकमान्य टिळकांनी लोकांनी एकत्र यावं त्याच्यात एकता निर्माण व्हावी म्हणून सार्वजनिक गणेशोत्सवाची सुरुवात केली आणि हीच सार्वजनिक गणेशोत्सवाची प्रथा अजूनही मुंबईत पाळाली जाते. प्रतिष्ठित भागापासून अगदी गल्लीबोळ्यापर्यंत प्रत्येक ठिकाणी लहान – मोठ्या मंडळांद्वारे सार्वजनिकरित्या गणेशोत्सव साजरा केला जातो आणि आज मुंबईतल्या काही अशाच सार्वजनिक मंडळांबद्दल आपण जाणून घेणार आहोत:
लालबागचा राजा: ही मुंबईतील सर्वात लोकप्रिय आणि सर्वाधिक भेट दिली जाणारी गणेशमूर्ती आहे. मूर्ती दररोज सरासरी 1.5 दशलक्ष प्रेक्षक आकर्षित करते. लालबाग मार्केटमध्ये असणाऱ्या या मूर्तीची एक झलक पाहण्यासाठी जवळपास 20 तासांचा वेळ लागतो.
GSB सेवा मंडळाची गणेश मूर्ती: GSB सेवा मंडळाची गणेशमूर्ती मुंबईतील सर्वात श्रीमंत मूर्ती समजली जाते. वडाळ्याजवळील किंग सर्कल येथे ही मूर्ती बसवली जाते. ६० किलोहून अधिक सोन्याने तयार केल्यामुळे याला मुंबईचा सुवर्ण गणेश म्हणूनही ओळखले जाते.
गणेश गल्ली मुंबईचा राजा: गणेश गल्लीचा मुंबईचा राजा लालबागच्या राजापासून काही अंतरावर आहे आणि तो खूप लोकप्रिय देखील आहे. हे मंडळ दरवर्षी त्याच्या भव्य नवीन थीमसाठी ओळखले जाते. हे मंडळ नैसर्गिक मूर्ती वापरून पर्यावरणपूरक गणेशोत्सवाला चालना देते.
खेतवाडीचा गणराज: हा पुरस्कारप्राप्त खेतवाडी गणराज मुंबईतील सर्वात आकर्षक गणेशमूर्तींपैकी एक मानला जातो. या मंडळाची स्थापना 1959 मध्ये झाली. 2000 नंतर भारताच्या इतिहासात 40 फूट मोठी गणेशमूर्ती बनवून हा गट प्रसिद्धीच्या झोतात आला.
अंधेरीचा राजा: लालबागच्या राजाला दक्षिण मुंबईत जेवढे महत्त्व आहे, तेवढेच महत्त्व अंधेरीच्या राजाला मुंबई उपनगरांमध्ये आहे. 1966 मध्ये तीन प्रतिष्ठित कंपन्यांच्या कामगारांनी या मंडळाची स्थापना केली होती. या मंडळाची मूर्ती इतकी मोठी नाही पण इच्छा पूर्ण करण्यात या गणपतीचे नावलौकिक आहे.
