सध्याच्या काळात फिरायला जायचं म्हटलं की अनेकांचा कल हा परदेशी पर्यटन स्थळांकडे असतो. पण, अनेकदा लोकांसाठी त्यांचं हे परदेशवारीचं स्वप्न हे स्वपनच राहून जातं आणि त्याचं कारण म्हणजे ‘ बजेट ‘. बजेटमध्ये बसत नाही म्हणून अनेकदा बाहेरदेशी फिरायला जायचे प्लॅन रद्द केले जातात. पण, तुम्हाला माहितीये का की आपल्या भारत देशात सुद्धा अशी काही ठिकाण आहेत. जी तुम्हाला भारतातच परदेशी पर्यटनस्थळांचा अनुभव देऊ शकतात. म्हणजे अगदी स्वित्झर्लंडपासून थायलंडमधील बेटांपर्यंत सगळं काही तुम्ही फक्त भारतात पाहू शकता आणि तेही तुमच्या बजेटमध्ये. चला तर मग जाणून घेऊया भारतातील कोणती ठिकाणे आहेत, जिथे परदेशी पर्यटन स्थळांची झलक पाहायला मिळते.
खज्जियार : खज्जियार हे हिमाचल प्रदेशातील एक हिल स्टेशन आहे. हे भारताचे मिनी स्वित्झर्लंड म्हणूनही ओळखले जाते. स्वित्झर्लंडसारख्या हवामानाचा अनुभव घेण्यासाठी हिवाळ्यात एकदातरी इथे भेट दिलीच पाहिजे.
श्रीनगर: तुम्हाला बँकॉकला जायचे असेल पण बजेट टाइट असल्यामुळे जर जाता येत नसेल तर तुम्ही श्रीनगरला जाऊ शकता. श्रीनगरमधील फ्लोटिंग मार्केटमध्ये गेल्यावर बँकॉकमधील फ्लोटिंग मार्केटची आठवण तुम्हाला नक्की होईल. तसेच येथील दाल सरोवरात शिकारा राईडचाही आनंदही तुम्हाला लुटता येईल.
मुन्नार: मुन्नारला गेल्यावर मलेशियाच्या कॅमेरून हायलँडला भेट दिल्यासारखे वाटेल. येथे तुम्ही सुंदर दृश्यांसह ट्रेकिंगचा आनंद देखील घेऊ शकता. मलेशिया टूर पॅकेजऐवजी स्वस्त बजेटमध्ये भारतात भेट देण्यासाठी मुन्नार हे सर्वोत्तम ठिकाण आहे.
मलाना: ग्रीसच्या स्पंदनांचा अनुभव घेण्यासाठी मलाना भारतातील सर्वोत्तम ठिकाणांपैकी एक आहे. या शहराला भारताचे छोटे ग्रीस म्हटले जाते. हिमाचल प्रदेशातील कुल्लू खोऱ्यात वसलेले हे एक अतिशय सुंदर शहर आहे. जिथे उन्हाळ्यात कितीतरी पर्यटक भेट देतात.
अंदमान – निकोबार बेट: थायलंडच्या को फिफी बेटासारखे जगात एकही बेट नाही असे जर तुम्हाला वाटत असेल तर तुम्ही भारतातील अंदमानला निकोबार बेटांना आवर्जून भेट द्यायला हवी. कारण भारतातील अंदमानमध्ये तुम्हाला थायलंडच्या प्रसिद्ध फि फाई बेटासारखीच अनुभूती मिळेल आणि तुमच्या बजेटमध्ये.
