सत्तासंघर्ष सुरु असताना मुख्यंमत्री व सरन्यायाधीश लळीत यांच्या भेटीनंतर, विरोधकांच्या भुवया उंचावल्या

मुंबई उच्च न्यायालयाच्या वतीने सरन्यायाधीश उदय लळीत यांच्या सत्कार सोहळा हा काल पार पडला. या कार्यक्रमानंतर आता मुख्यमंत्री एकनाथ शिंदेंवर विरोधी पक्षाकडून जोरदार टीका होऊ लागली आहे. मुख्यमंत्री शिंदे यांच्या सरकारच्या अस्तित्वाचा खटला सर्वोच्च न्यायालयात सुरू असताना त्यांनी सरन्यायाधीशांसोबत एका मंचावर दिसणं अनेकांना रुचलेलं नाही.

मुंबईतल्या ताज पॅलेसमध्ये काल सरन्यायाधीशांच्या सत्काराचा कार्यक्रम पार पडला. यामध्ये केंद्रीय कायदेमंत्री किरेन रिजीजू, सर्वोच्च न्यायालयाने न्यायमूर्ती भूषण गवई, अभय ओक यांच्यासह उपमुख्यमंत्री देवेंद्र फडणवीस हे देखील उपस्थित होते. यावेळी सरन्यायाधीश लळीत यांच्या सत्कार कार्यक्रमाला मुख्यमंत्री एकनाथ शिंदेही हजर होते. ते मंचावर उपस्थित होते. यावरुन आता राष्ट्रवादी आणि काँग्रेसकडून मुख्यमंत्री शिंदेंवर टीका केली जात आहे.