मोदींनी देश जोडण्याचे काम केले तर, काँग्रेसने आसामला दहशतवादी बनवले, अमित शहांचा हल्लाबोल

केंद्रीय गृहमंत्री अमित शाह यांनी आसाममधील गुवाहाटी येथे नव्याने बांधलेल्या आसाम भारतीय जनता पक्षाच्या राज्य मुख्यालयाचे उद्घाटन केले. यावेळी अमित शहांनी काँग्रेसवर जोरदार निशाणा साधला आहे. ते म्हणाले, आज मी गृहमंत्री म्हणून आसाममध्ये आलो नाही, भाजपचा कार्यकर्ता म्हणून आज आलो आहे. याप्रसंगी बोलताना केंद्रीय गृहमंत्र्यांनी काँग्रेसवर आरोप केला की, काँग्रेसने आसामची महान भूमी विघटन, दहशतवाद, संप, आंदोलनांची भूमी बनवली आहे. आसामचा सर्वसमावेशक विकास झाला नाही तर ईशान्येसाठी मोठी समस्या निर्माण होईल, अशी भीती लोकांना नेहमी वाटत होती.

हेही वाचा : 

Adipurush : प्रभासच्या आदिपुरुष चित्रपटाच्या पहिल्या टीझरमुळे ‘रामायण’ची टीम विरोधात

गुवाहाटीतील जाहीर सभेत बोलताना गृहमंत्री अमित शहा यांनीही काँग्रेसवर हल्लाबोल केला. अमित शहा म्हणाले, ‘काँग्रेसने आसामला दहशतवादी देश बनवले होते. अमित शाह पुढे म्हणाले, आसामचे माजी मुख्यमंत्री आणि काँग्रेस नेते हितेश्वर सैकिया एकदा आसाममध्ये अभाविपच्या कार्यक्रमासाठी आल्यानंतर आम्हाला खूप मारहाण करण्यात आली. अमित शहा म्हणाले की, तेव्हा आम्ही घोषणा द्यायचो- आसामचे रस्ते सुनसान आहेत, इंदिरा गांधी मारेकरी आहेत. शाह म्हणाले की, आसाममध्ये सलग दोन वेळा भाजपचे सरकार स्थापन होईल, असे आम्हाला कधीच वाटले नव्हते. काँग्रेस नेते हितेश्वर सैकिया यांचे १९९६ मध्ये निधन झाले, ते दोनदा आसामचे मुख्यमंत्री झाले.

ठाकरे गटाचा ८०० पानांचा रिप्लाय निवडणूक आयोगाला सादर

यावेळी अमित शहा यांनी थेट प्रमुख विरोधी पक्षावर निशाणा साधला. ते म्हणाले की आसामची मुख्य समस्या काँग्रेसमुळेच निर्माण झाली आहे, जी आसामची पवित्र आणि शांत भूमी फुटीर बनवण्यासाठी नेहमीच उत्सुक होती. माझ्या विद्यार्थी परिषदेच्या काळात आसाममध्ये आपण स्वबळावर सरकार स्थापन करू, असे कधीच वाटले नव्हते, परंतु आज राज्यात भाजपची सततची सत्ता सर्वांगीण विकासाची हमी देत ​​आहे. मला आज खूप आनंद होत आहे की२०१४ ते २०२२ या अल्पावधीत आज संपूर्ण ईशान्य आणि आपला आसाम विकासाच्या मार्गावर लागला आहे.

Mumbai Kurla Fire: कुर्ल्यात इमारतीला भीषण आग, आगीचं कारण अद्याही अस्पष्ट, बचावकार्य सुरु