मोठी आणि महत्वाची बातमी समोर आली आहे. आम आदमी पार्टीचे नेते आणि दिल्लीचे मुख्यमंत्री अरविंद केजरीवाल (Arvind Kejriwal) यांना सर्वोच्च न्यायालयाकडून जामीन मंजूर झाला आहे. ईडीच्या (ED) खटल्यात त्यांना आधीच जामीन मिळाला आहे. दिल्ली दारू धोरण प्रकरणी मुख्यमंत्री अरविंद केजरीवाल यांच्या जामीन याचिकेवर सर्वोच्च न्यायालयाने आज निर्णय दिला आहे. सर्वोच्च न्यायालयाने त्यांना जामीन मंजूर केला आहे. न्यायमूर्ती सूर्यकांत आणि न्यायमूर्ती उज्ज्वल भुईया यांच्या खंडपीठाने त्यांच्या जामीन अर्जावर निर्णय दिला आहे.
दिल्लीचे मुख्यमंत्री अरविंद केजरीवाल यांना २६ जून रोजी सीबीआयने अटक केली होती. यानंतर दिल्लीचे मुख्यमंत्री अरविंद केजरीवाल यांनी ही अटक बेकायदेशीर ठरवत जामीन याचिका दाखल केली होती. ५ सप्टेंबर रोजी झालेल्या मागील सुनावणीत न्यायालयाने निर्णय राखून ठेवला होता. दिल्लीचे मुख्यमंत्री अरविंद केजरीवाल यांना जामीन मंजूर करताना सर्वोच्च न्यायालयाने म्हटले आहे की, आरोपपत्र दाखल झाले असल्याने आणि खटला नजीकच्या काळात पूर्ण होणार नसल्याने त्यांना दीर्घकाळ तुरुंगात ठेवण्याचे कोणतेही औचित्य नाही. अरविंद केजरीवाल यांना १० लाख रुपयांचा जामीन मुचलका भरावा लागणार आहे.
निकाल देताना सर्वोच्च न्यायालयाने सांगितले की, युक्तिवादाच्या आधारे आम्ही ३ प्रश्न तयार केले आहेत. अटकेत बेकायदेशीरता होती की नाही, अपीलकर्त्याला नियमित जामीन मिळावा की नाही, आरोपपत्र दाखल करणे अशा परिस्थितीत बदल आहे की ते टीसीकडे पाठवले जाऊ शकते. आधीच अटकेत असलेल्या व्यक्तीला अटक करण्यात कोणताही अडथळा नाही. आम्ही लक्षात घेतो की सीबीआयने आपल्या अर्जात असे करणे का आवश्यक वाटले याची कारणे नोंदवली आहेत. कलम 41A(iii) चे कोणतेही उल्लंघन नाही. सीबीआयच्या अटकेशी संबंधित याचिकेवर न्यायमूर्ती सूर्यकांत म्हणाले, ‘अपीलकर्त्याची अटक बेकायदेशीर नाही.’ अरविंद केजरीवाल या प्रकरणाच्या गुणवत्तेवर कोणतीही सार्वजनिक टिप्पणी करणार नाहीत, असे सुप्रीम कोर्टाने म्हटले आहे. ईडी प्रकरणात लादलेल्या अटी या प्रकरणातही लागू असतील, त्याला टीसीला पूर्ण सहकार्य करावे लागेल.
अरविंद केजरीवाल हे जवळपास १७७ दिवसानंतर तुरूंगाच्या बाहेर येणार आहेत. शिवाय त्यांना १० लाखाच्या जात मुचलक्यावर हा जामीन मंजूर करण्यात आला आहे. लोकसभा निवडणुकीच्या प्रचारासाठी अरविंद केजरीवाल यांनी काही दिवसांसाठी जामीन देण्यात आला होता. प्रचार झाल्यानंतर त्यांना पुन्हा तरूंगात जावे लागले होते. आता त्यांना रितसर जामीन मिळाला आहे.
