राज्याचे माजी गृहमंत्री अनिल देशमुख (Anil Deshmukh) यांच्या सीबीआय (CBI) प्रकरणातील जामीनावर विशेष सीबीआय न्यायालयात आज निर्णय होता. मुंबई सत्र न्यायालयातील (Mumbai Sessions Court) विशेष सीबीआय न्यायालयाने हा जमीन अर्ज फेटाळला . देशमुख यांच्या जामीनावरील दोन्ही बाजूंचा युक्तिवाद काल पूर्ण झाला होता. हायकोर्टानं दिलेल्या निर्देशानंतर अनिल देशमुख यांचा पासपोर्ट काल मुंबई सत्र न्यायालयात जमा करण्यात आला. १०० कोटींच्या कथित वसुलीप्रकरणी अनिल देशमुख ११ महिने तुरुंगात आहेत. दरम्यान, अनिल देशमुखांची दिवाळी घरी आता तुरुंगातच साजरी होणार हे यातून स्पष्ट झाले आहे.
मोठी बातमी! महाराष्ट्राचे माजी गृहमंत्री अनिल देशमुख यांच्या जामिन अर्ज न्यायालय फेटाळला#AnilDeshmukh #NCP #sharadpawar #ajitpawarspeaks @AnilDeshmukhNCP @NCPspeaks @PawarSpeaks @AjitPawarSpeaks pic.twitter.com/iabDo1ieRF
— Time Maharashtra (@TimeMaharashtra) October 21, 2022
ईडीनं नोंदवलेल्या मनी लाँड्रिंग प्रकरणात ४ ऑक्टोबरला मुंबई उच्च न्यायालयातून जामीन मिळाल्यानंतर देशमुख यांनीही या प्रकरणात जामिनासाठी अर्ज केला होता. कथित भ्रष्टाचार आणि पदाचा गैरवापर केल्याप्रकरणी न्यायालयीन कोठडीत असलेले महाराष्ट्राचे माजी गृहमंत्री अनिल देशमुख यांच्या जामीन अर्जावर मुंबईतील विशेष न्यायालयानं गुरुवारी (२०ऑक्टोबर) शुक्रवारी निर्णय सुनावला. सीबीआय या प्रकरणाचा तपास करत आहे. ईडीनं नोंदवलेल्या मनी लाँड्रिंग प्रकरणात ४ ऑक्टोबर रोजी मुंबई उच्च न्यायालयातून जामीन मिळाल्यानंतर ७१ वर्षीय देशमुख यांनीही या प्रकरणात जामिनासाठी अर्ज केला होता.
अनिल देशमुख यांच्या खटल्यात विशेष सीबीआय न्यायालयाचे न्यायाधीश एस.एच. ग्वालानी यांनी जामीन अर्जावरील दोन्ही पक्षांचा युक्तिवाद पूर्ण झाल्यानंतर निकाल राखून ठेवला आहे. अनिल देशमुखांना २ नोव्हेंबर २०२१रोजी अटक करण्यात आली होती आणि सध्या ते न्यायालयीन कोठडीत आहेत. देशमुख यांना गेल्या आठवड्यात ‘कोरोनरी अँजिओग्राफी’साठी खासगी रुग्णालयात दाखल करण्यात आलं होतं. देशमुख महाविकास आघाडी सरकारमध्ये गृहमंत्री होते.
अनिल देशमुख सध्या मुंबईतील आर्थर रोड कारागृहात आहेत. मार्च २०२१ मध्ये, IPS अधिकारी परमबीर सिंह यांनी आरोप केला की, तत्कालीन गृहमंत्री देशमुख यांनी मुंबईतील रेस्टॉरंट आणि बारमधून दरमहा १०० कोटी रुपये वसूल करण्याचे आदेश दिले होते. या आपरो-प्रत्यारोपांच्या सत्रानंतर अनिल देशमुखांना अटक करण्यात आली होती.
हे ही वाचा:
Bigg Boss Marathi 4 : ‘बिग बॉस मराठी’च्या घरात धुमश्चक्री सुरु…
Sanjay Raut : खा.संजय राऊतांच्या यंदा दिवाळी फराळ कोठडीतच, अजूनही दिलासा नाहीच