शिवसेना नेते आणि खासदार संजय राऊत यांच्या न्यायालयीन कोठडीत वाढ करण्यात आली आहे. संजय राऊत यांचा दसरा मेळावा कोठडीमध्येच होणार आहे. संजय राऊत यांची ईडी कोठडी १० ऑक्टोबर पर्यंत वाढवण्यात आली आहे. शिवसेना नेते संजय राऊत यांच्या कोठडीत वाढ झाली असून त्यांच्या जामीन अर्जावर १० ऑक्टोबरला सुनावणी होणार आहे. आज त्यांच्या प्रकरणावर कोर्चात सुनावणी झाली, त्यामध्ये पुढील सुनावणी आता १० ऑक्टोबरला होणार असून त्यांचा दसरा मेळावा तुरूंगातच होणार आहे.
पत्रचाल गैरव्हवहार प्रकरणी काही दिवसांपूर्वी संजय राऊत यांना ई.डी कडून अटक करण्यात आली. संजय राऊत यांचा गणेशोत्सव, नवरात्री तर आता दसरा सुद्धा तुरुंगातच जाणार आहे. संजय राऊत यांची ईडी कोठडी १० ऑक्टोबर पर्यंत वाढवण्यात आली आहे. म्हणजेच या दसऱ्या मेळवाल्याला उद्धव ठाकरे यांच्या बरोबर त्यांचे विश्वासू सहकारी संजय राऊत दसऱ्या मेळाव्याला दिसणार नाही. त्यांची हि पोकळीक उद्धव ठाकरे कसं भरून काढणार हे उत्सुकतेचं असणार आहे.
प्रकरण काय आहे ?
हे प्रकरण सिद्धार्थ नगर परिसराशी संबंधित आहे, ज्याला पत्रा चाळ म्हणूनही ओळखले जाते, जे गोरेगावच्या उत्तर मुंबई उपनगरात आहे. ४७ एकरात पसरलेल्या या परिसरात ६७२ घरे होती.महाराष्ट्र गृहनिर्माण आणि क्षेत्र विकास प्राधिकरण (म्हाडा) ने परिसराचा पुनर्विकास प्रकल्प हाती घेतला आणि २००८ मध्ये गुरु आशिष कन्स्ट्रक्शन प्रायव्हेट लिमिटेड (GACPL) ला कंत्राट दिले.ईडीच्या दाव्यानुसार जीएसीपीएलच्या संचालकांपैकी एक प्रवीण राऊत हा संजय राऊतचा जवळचा सहकारी आहे. तपास संस्थेच्या म्हणण्यानुसार, जीएसीपीएल, भाडेकरू सोसायटी आणि म्हाडा यांनी करार केला होता की विकासक भाडेकरूंसाठी ६७२ घरे देईल आणि म्हाडासाठी फ्लॅट विकसित करेल. उर्वरित जागा विकासकाला विकायची होती.त्यानंतर १४ वर्षे झाली तरी परिसरातील लोक आजही घराच्या प्रतीक्षेत आहेत.प्रवीण राऊत यांनी ६७२ विस्थापित भाडेकरूंसाठी पुनर्वसन भाग किंवा म्हाडाचा भाग न बांधता, नऊ खाजगी विकासकांना फ्लोअर स्पेस इंडेक्स (एफएसआय) ९०१.७९ कोटी रुपयांना विकल्याचा ईडीचा दावा आहे.
शिवाय, GACPL ने Meadows नावाचा आणखी एक प्रकल्प सुरू केला, ज्यासाठी त्यांनी फ्लॅट खरेदीदारांकडून सुमारे १३८ कोटी रुपयांची बुकिंग रक्कम घेतली.एकूण १,०३९.७९ कोटी रुपये GACPL द्वारे व्युत्पन्न झाल्याचा ई डी ने आरोप केला आहे.या प्रकरणात संजय राऊत यांच्या पत्नी वर्षा राऊतचेही नाव आहे. ईडीने आरोप केला आहे की २०१० मध्ये विक्रीतून मिळालेले 83 लाख रुपये तिने दादरमध्ये फ्लॅट खरेदी करण्यासाठी वापरले होते.याशिवाय वर्षा राऊत आणि स्वप्ना पाटकर यांच्या नावे महाराष्ट्रातील अलिबाग येथील किहीम बीचवर किमान आठ भूखंड खरेदी केल्याचा आरोपही ईडीने केला आहे.
हे ही वाचा:
Prakash Mahajan : मेळाव्यात विचार नाही तर नाटकं पाहायला मिळतील; मनसे प्रवक्ते प्रकाश महाजन
Bigg Boss Marathi 4 : ‘आटली बाटली फुटली’; चौथ्या पर्वातलं पहिलं वहिलं नॉमिनेशन कार्य