पंतप्रधान मोदींच्या हस्ते क्रांती दालनाचे उद्घाटन होणार आहे. या कार्यक्रमाला राज्याचे मुख्यमंत्री उद्धव ठाकरेही उपस्थित राहणार आहेत. पंतप्रधान नरेंद्र मोदी उद्या एक दिवसीय महाराष्ट्र दौऱ्यावर आहेत. त्यांचा पहिला कार्यक्रम पुण्यातील देहूमध्ये आहे. संत तुकाराम महाराज यांच्या मूर्तीचं अन् शिळा मंदिराचं लोकार्पण पंतप्रधानांच्या हस्ते होणार आहे. त्यानंतर पंतप्रधान मुंबईत येणार आहेत.
राजभवनात एक भुयार सापडलं होतं, त्या भुयारात गॅलरी स्थापन करण्यात आली आहे. या गॅलरीमध्ये चाफेकर बंधू तसंच सावरकर बंधू यांची चित्रे आणि प्रदर्शन करण्यात येणार आहे. त्याचं उद्धाटन पंतप्रधानांच्या हस्ते होणार आहे. मुंबईत उद्या दुपारी ४ वाजता पंतप्रधान मोदींच्या हस्ते या गॅलरीचे उद्घाटन होणार आहे. या कार्यक्रमाला मुख्यमंत्री उद्धव ठाकरे हे विशेष अतिथी म्हणून उपस्थित राहणार आहेत.