आज राजकारणात सर्वात मोठी आणि खळबळजनक घटना ही घडली आहे. राहुल गांधी यांची खासदारकी रद्द करण्यात आली आहे. यामुळे संपूर्ण देशात तीव्र नाराजी ही व्यक्त केली जात आहेत. तसेच अनेक ठिकाणी निदर्शने देखील केली जात आहेत. राहुल गांधी यांची खासदारकी रद्द झाल्यानंतर त्यांनी त्यांची पहिली प्रतिक्रिया ही दिली आहे. राहुल गांधी यांनी स्वतः ट्वीट करत आपली बाजू मांडली आहे. त्याचबरोबर आपली बाजू मांडत लढण्याची तयारी दर्शवली आहे.
मैं भारत की आवाज़ के लिए लड़ रहा हूं।
मैं हर कीमत चुकाने को तैयार हूं।
— Rahul Gandhi (@RahulGandhi) March 24, 2023
२०१९ च्या निवडणुकी दरम्यान कर्नाटकातील एका प्रचारसभेत राहुल गांधी यांनी देशात पळून गेलेल्या आरोपींबद्दल बोलताना मोदी आडनावा विषयी वादग्रस्त वक्तव्य केलं होतं. या वक्तव्यांवरून काल गुजरातमधील सुरत न्यायालयाने राहुल गांधींना त्यांच्या विधानासाठी २ वर्षांच्या तुरुंगवासाची शिक्षा सुनावली होती आणि उच्च न्यायालयात आव्हान देण्यासाठी ३० दिवसांची मुदतही राहून गांधी यांना दिली होती. परंतु आज काँग्रेस नेते राहुल गांधी (Rahul Gandhi) यांची खासदारकी रद्द करण्यात आली आहे. लोकसभा सचिवालयाने याबाबतचे आदेश जारी केले आहेत. राहुल गांधी केरळमधील वायनाड मतदारसंघातून लोकसभेवर निवडून आले आहेत. सुरत न्यायालयाने त्यांना काल दोन वर्षांची शिक्षा सुनावल्याने राहुल गांधी यांची खासदारकी रद्द करण्यात आली आहे. सर्वोच्च न्यायालयाच्या १० जुलै २०१३ च्या निकालानुसार हा निर्णय घेण्यात आला आहे. लोकसभा सचिवालयानं जारी केलेल्या अधिसूचनेनुसार, २३ मार्च २०२३ पासून कलम १०२(१)(ई) च्या तरतुदींनुसार त्यांना लोकसभा सदस्य म्हणून अपात्र ठरवण्यात आलं आहे.लोकप्रतिनिधी कायदा, १९५१ च्या कलम ८ चा आधार या निर्णयासाठी घेण्यात आला आहे.
हे ही वाचा :
LIVE राहुल गांधी यांची खासदारकी रद्द झाल्यानंतर काँग्रेसची पत्रकार परिषद
Gudi Padwa Special गुढीची साडी व मिरवणुकीसाठी फेटे | Dadar Shopping Market