Raj Thackeray on Sammed Shikharji : झारखंडमधील सम्मेद शिखरजी या तीर्थक्षेत्राला पर्यटनस्थळ घोषित करण्यात आला आणि त्यामुळे देशभरातून जैन समाजाचा विरोध वाढत चालला आहे. सम्मेद शिखरजी (Sammed ShiKharji) हे पर्यटनस्थळ झारखंडमधील गिरडीह जिल्ह्यातील मधुबन भागात आहे. याला भागाला पारसनाथ पर्वत असेही म्हणतात. या पर्वाला जैन धर्मात विशेष महत्व असते. सम्मेद शिखरजी या तीर्थक्षेत्राला पर्यटनस्थळ घोषित केल्यानंतर अनेक आंदोलन, मोर्चा करण्यात आला. तसेच मोठ्या प्रमाणात जैन समाज गेल्या काही दिवसांपासून रस्त्यावर उतरला आहे. परंतु आता या समाजाला महाराष्ट्र नवनिर्माण सेनेचे अध्यक्ष राज ठाकरे (Maharashtra Navnirman Sena President Raj Thackeray) यांनी पाठिंबा दर्शवला आहे.
झारखंडमधल्या गिरीहीद जिल्ह्यातलं ‘सम्मेद शिखरस्थळ’ हे जैन धर्मियांचं पवित्रस्थळ आहे. ह्या धर्मस्थळाला पर्यटनस्थळाचा दर्जा देऊ नये, कारण एकदा का ते पर्यटनस्थळ म्हणून घोषित झालं की तिथे जैन धर्माला मान्य नसलेल्या अनेक गोष्टी घडू शकतील अशी जैन बांधवांची भावना आहे. १-१
— Raj Thackeray (@RajThackeray) January 5, 2023
महाराष्ट्रातील जैन समाज पर्यटनस्थळाचा दर्जा रद्द करण्यात यावा या मागणीसाठी रस्त्यावर उतरला आहे. जैन धर्मियांनी महाराष्ट्रातील मुंबई, दक्षिण मुंबई, पुणे, अमरावती, कोल्हापूर या ठिकाणी मोर्चा काढत झारखंड सरकारला निर्णय रद्द करण्याची मागणी केली आहे. कोल्हापूरमध्ये जैन समाजाकडून विराट मूक मोर्चा काढण्यात आला. या मोर्चातून प्रसंगी दिल्लीला धडक देण्याचा इशारा जैन समाजाने दिला आहे.
हे ही वाचा:
एअर इंडियाच्या फ्लाइटमध्ये मद्यधुंद प्रवाशाने वृद्ध महिलेवर केला लघवी, एअरलाईनने केली कडक कारवाई
‘एव्हरग्रीन मित्रा’ ने पाकिस्तानला फसवले, चीनमधून आयात केलेल्या रेल्वेच्या बोगींमुळे पाकिस्तान नाराज