२०२२ या वर्षाने आता सर्वांचा निरोप घेतला आहे. क्रीडाविश्वातील काहींसाठी ते खूप चांगले होते, तर काही खेळाडू दुखापतीमुळे किंवा अन्य कारणांमुळे त्रस्त झाले होते. आता २०२३ मध्ये प्रत्येकाला नवीन सुरुवात करण्याची संधी मिळेल. दरम्यान, एका वेगवान गोलंदाजाने त्याचे काही फोटो सोशल मीडियावर शेअर केले आहेत. त्या खेळाडूला किती वेदना झाल्या असतील हे ते फोटो पाहूनच लक्षात येतंय. आता तो तंदुरुस्त होण्यासाठी आणि मैदानावर पुन्हा उतरण्यासाठी उत्सुक आहे. टीम इंडियाचा कर्णधार रोहित शर्मासाठीही ही आनंदाची बाब असू शकते.
इंग्लंडचा वेगवान गोलंदाज जोफ्रा आर्चर दुखापतीमुळे जवळपास दोन वर्षे आंतरराष्ट्रीय क्रिकेटपासून दूर होता. या २७ वर्षीय खेळाडूने IPL-२०२२ मध्येही भाग घेतला नव्हता. तो कोपर आणि पाठीच्या खालच्या बाजूच्या समस्यांशी झुंज देत होता. त्याच्यावर शस्त्रक्रियाही करावी लागली. २०२२ मध्ये तो एकही आंतरराष्ट्रीय सामना खेळला नाही पण २०२३ मध्ये मैदानात उतरण्यासाठी सज्ज आहे. आर्चरने त्याच्या एका सोशल मीडिया पोस्टवर काही छायाचित्रे पोस्ट करताना ही घोषणा केली.
2022 thank you 🙏🏾
2023 I’m ready 🤝 pic.twitter.com/UeH3PaVReh— Jofra Archer (@JofraArcher) January 1, 2023
ट्विटरवर त्याचे काही फोटो शेअर करत आर्चरने लिहिले, ‘२०२२ धन्यवाद, २०२३ मी तयार आहे.’ यावरून मुंबई इंडियन्सचा हा वेगवान गोलंदाज तंदुरुस्त असून नवीन वर्षात धडाकेबाज कामगिरी करण्यास सज्ज असल्याचे कळते. तो कधीही मैदानात परतू शकतो.
आर्चरचे मैदानात पुनरागमन झाल्याने केवळ इंग्लंडच नाही तर भारतीय चाहतेही खूश असतील. याला कारण आहे इंडियन प्रीमियर लीग (आयपीएल). आर्चर आयपीएलमध्ये मुंबई इंडियन्सचे प्रतिनिधित्व करेल, ज्या संघाचे नेतृत्व रोहित शर्मा करत आहे. IPL-२०२२ च्या मेगा लिलावात मुंबई फ्रँचायझीने या वेगवान गोलंदाजाला आठ कोटी रुपयांना विकत घेतले. दुखापतीमुळे तो आयपीएलच्या संपूर्ण हंगामातून बाहेर राहिला. आता तो जसप्रीत बुमराहसह मुंबई इंडियन्सच्या संघासाठी गोलंदाजी करताना दिसणार आहे.
हे ही वाचा:
जॉर्जिया एंड्रियानीचा बोल्ड लुक , पहा तिचा अनोखा अंदाज
नव्या वर्षात बसणार महागाईचा फटका वर्षाच्या पहिल्याच दिवशी इतक्या रुपयांनी महागला सिलेंडर