टीम इंडियाने दक्षिण आफ्रिकेविरुद्धची तीन सामन्यांची T20 मालिका जिंकली आहे. भारताने मालिकेतील सुरुवातीचे दोन्ही सामने जिंकून २-० अशी अभेद्य आघाडी घेतली आहे. भारताने त्यांच्या भूमीवर टी-20 मालिकेत प्रोटीज संघाचा पराभव करण्याची ही पहिलीच वेळ आहे. मात्र, या विजयानंतरही कर्णधार रोहित शर्मा आपल्या संघाच्या डेथ बॉलिंगबाबत तणावात आहे.
गुवाहाटीतील दुसरा टी-२० सामना जिंकल्यानंतर रोहित शर्मा डेथ बॉलिंगबद्दल म्हणाला, ‘खरं सांगायचं तर या (डेथ बॉलिंग) विभागात थोडी काळजी आहे कारण आम्ही चांगली गोलंदाजी करत नाही. हे असे क्षेत्र आहे जिथे आम्हाला आव्हान मिळेल. काळजी करण्यासारखी फारशी गरज नाही पण आपण स्वतःला वर उचलले पाहिजे.
हेही वाचा :
LCH In Airforce : भारताचा नवा ‘योद्धा’ हवाई दलात दाखल होणार
यादरम्यान रोहित टीम इंडियाच्या फलंदाजीच्या दृष्टिकोनाबद्दल खूप सकारात्मक दिसत होता. तो म्हणाला, ‘आम्हाला संघात हेच हवे आहे, असे आम्ही सर्व मानतो. हा दृष्टीकोन संमिश्र परिणाम देतो परंतु आम्ही त्यासह पुढे जाऊ. पूर्वी प्रत्येकाला संधी मिळावी आणि आपापले काम करावे हा वैयक्तिक फोकस होता, पण आता आपण त्याही पलीकडे गेलो आहोत.
‘धावांचा पाठलाग करणे सोपे नव्हते.जेव्हा तुम्ही असा सामना खेळता तेव्हा तुम्हाला खूप काही शिकायला मिळते.आम्हाला माहित होते की या खेळपट्टीवर गोलंदाजांना मदत होईल पण संपूर्ण 20 षटकांसाठी ते उपयुक्त ठरेल हे आम्हाला माहीत नव्हते.खेळपट्टी ओलसर होती.चांगला खेळ करणाऱ्या संघाला विजय मिळाला.’ रोहितनं म्हटले.
टीम इंडियाला मालिकेत 2-0 अशी आघाडी मिळाली
गुवाहाटी टी-20 मध्ये भारतीय संघाने प्रथम फलंदाजी करताना 20 षटकात 3 गडी गमावून 237 धावांची मोठी धावसंख्या उभारली. . केएल राहुल (57), रोहित शर्मा (43), विराट कोहली (49) आणि सूर्यकुमार यादव (61) यांनी शानदार खेळी खेळली. प्रत्युत्तरात, डेव्हिड मिलर (106) आणि क्विंटन डी कॉक (69) यांच्या खेळीच्या बळावर प्रोटीज संघानेही विजय मिळवला, परंतु ते लक्ष्यापासून 16 धावा दूर गारद झाले. टीम इंडियाने तीन सामन्यांच्या मालिकेतील पहिला सामनाही 8 गडी राखून जिंकला. अशा स्थितीत तिने या मालिकेत २-० अशी अभेद्य आघाडी घेतली आहे.
Navratri 2022 : मुलुंडमध्ये गरबा खेळताना तरुणांचा दुर्दैवी मृत्यू