भारतीय संघाचा स्टार फिरकीपटू युझवेंद्र चहलच्या लग्नाला आज (२२ डिसेंबर) दोन वर्षे पूर्ण झाली आहेत. दोन वर्षांपूर्वी याच दिवशी त्यांनी डेंटिस्ट आणि कोरिओग्राफर धनश्री वर्मासोबत लग्नगाठ बांधली. चहल आणि धनश्री यांच्या लग्नासाठी शुभेच्छांचा वर्षाव सुरू झाला आहे. इंडियन प्रीमियर लीग (आयपीएल) संघ (IPL) राजस्थान रॉयल्स (आरआर) ने देखील चहलचे स्वतःच्या अनोख्या पद्धतीने अभिनंदन केले आहे. चहल आयपीएलमध्ये या संघाकडून खेळत आहे. पुढील हंगामातही त्याच संघाकडून खेळताना दिसणार आहे.
चहल आणि धनश्री हे क्रिकेटमधील आवडते जोडपे आहेत. त्यांच्या घटस्फोटाची बातमी समोर आली होती. नंतर, चहल आणि धनश्री या दोघांनी पुन्हा पोस्ट करत या बातम्यांना अफवा म्हटले आणि ते दोघे वेगळे होत नसल्याचे सांगितले. धनश्री टी-20 विश्वचषकादरम्यान टीम इंडियाचे सामने पाहण्यासाठी ऑस्ट्रेलियालाही पोहोचली होती.
हेही वाचा :
चहलने अलीकडेच आपल्या एका मुलाखतीत म्हटले, चहलने तीन-चार महिन्यांच्या डेटिंगनंतरच धनश्रीशी लग्न केले होते. चहल-धनाश्रीचे ऑगस्ट २०२० मध्ये लग्न झाले आणि त्यानंतर २२ डिसेंबर २०२० रोजी दोघांचे लग्न झाले. धनश्री डेंटिस्ट व्यतिरिक्त यूट्यूबर आणि कोरिओग्राफर देखील आहे. ती सतत डान्सचे व्हिडिओ शेअर करत असते.
राजस्थान रॉयल्सने (Rajasthan Royals) चहलला लग्नाच्या वाढदिवसानिमित्त (Yuzvendra Chahal and Dhanashree Anniversary) शुभेच्छा देणारा शेअर केलेला व्हिडिओ मोठ्या प्रमाणात व्हायरल होत आहे. या व्हिडिओमध्ये हम साथ साथ है या सिनेमातील गाण्याचा वापर करण्यात आला आहे. ज्यामध्ये धनश्रीची ओळख तिच्या नवीन सासू-सासरे आणि ननंद-नंदोई यांच्याशी करून दिली जात आहे. यामध्ये धनश्रीचा सासर जोस बटलर बनला आहे, तर धनश्रीची ननंद आर अश्विनची पत्नी बनली आहे. राजस्थान रॉयल्सचे या मजेशीर पद्धतीने अभिनंदन करण्याची पद्धत चाहत्यांना खूप आवडली असल्याने हा व्हिडिओ वेगाने व्हायरल होत आहे.
National Farmer’s Day 2022 २३ डिसेंबरला ‘शेतकरी दिवस’ का साजरा केला जातो ?