टीम इंडियाच्या नवीन जर्सीचे अनावरण रविवारी १८ सप्टेंबर रोजी होणार्या ऑस्ट्रेलियाविरुद्धच्या पहिल्या टी-२० सामन्यापूर्वी करण्यात आले. भारतीय जर्सीमध्ये आकाश निळा रंग पुन्हा परतला आहे. नोव्हेंबर २००७-२००८ दरम्यान टीम इंडियाने शेवटच्या वेळी आकाश निळ्या रंगाची किट दिली होती; जर्सी प्रामुख्याने २००७ मध्ये एकदिवसीय विश्वचषक स्पर्धेसाठी सादर करण्यात आली होती आणि त्याच वर्षी, एमएस धोनीच्या नेतृत्वाखालील तरुण भारतीय संघाने त्याच किटसह टी २० विश्वचषक ट्रॉफी जिंकली होती.
भारतीय संघ सध्या परिधान करत असलेली जर्सीचा रंग ‘नेव्ही ब्लू’ आहे. मात्र आता भारतीय संघाच्या जर्सीचा रंग निळा आहे. गेल्या विश्वचषकाच्या जर्सीला ‘बिलियनच अर्स जर्सी’ असे नाव देण्यात आले होते आणि त्याचा पॅटर्न टीम इंडियाच्या चाहत्यांपासून प्रेरित होता. यावेळी बीसीसीआयने ट्विट करून प्रत्येक क्रिकेट चाहत्याला लिहिले, “भारतातील सर्व क्रिकेट चाहत्यांनो, ही तुमच्यासाठी आहे. सादर करत आहोत नवीन टी २० जर्सी – वन ब्लू जर्सी”.
टीम इंडियाचा अधिकृत कीट पार्टनर एमपीएल स्पोर्ट्स आहे. एमपीएल ने नवीन किटचे डिझाइन आणि पॅटर्न बदलला आहे. यावेळी दोन छटा पाहायला मिळाल्या आहेत. तर, बीसीसीआयने आपल्या सोशल मीडिया प्लॅटफॉर्मवर पोस्टमध्ये नवीन जर्सी परिधान केलेल्या खेळाडूंचा फोटो शेअर केला. यात रोहित शर्मा, सूर्यकुमार यादव, हार्दिक पांड्या आणि महिला संघातील सदस्य हरमनप्रीत कौर, शेफाली वर्मा आणि रेणुका सिंग यांचा समावेश आहे.
To every cricket fan out there, this one’s for you.
Presenting the all new T20 Jersey – One Blue Jersey by @mpl_sport. #HarFanKiJersey#TeamIndia #MPLSports #CricketFandom pic.twitter.com/3VVro2TgTT
— BCCI (@BCCI) September 18, 2022
हे ही वाचा:
राज ठाकरे पोहोचले नागपुरातील फुटाळा तालाबमधील फाउंटन शो पाहण्यासाठी
शिंदे-फडणवीस सरकारच्या निर्णयामुळे एसटी कर्मचाऱ्यांवर आर्थिक संकट
संजय राऊत यांची आज सुटका होणार कि पुन्हा कोठडी ?