देशात कोरोनाचा वेग झपाट्याने वाढत आहे. गेल्या दोन दिवसांत कोरोनाच्या नवीन रुग्णांमध्ये सुमारे ८० टक्क्यांनी वाढ झाली आहे. या दरम्यान २३०० हून अधिक कोरोनाचे रुग्ण वाढत आहेत. कोरोनाच्या वाढत्या रुग्णांच्या पार्श्वभूमीवर केंद्र सरकार सतर्क झाले आहेत. याच पार्श्वभूमीवर केंद्रीय आरोग्य मंत्री मनसुख मांडविया यांनी बैठक बोलावली आहे.
आरोग्यमंत्री मनसुख मांडविया उद्या, शुक्रवारी सर्व राज्यांच्या आरोग्य मंत्र्यांची बैठक घेणार आहेत. ही बैठक व्हिडिओ कॉन्फरन्सिंगद्वारे होणार आहे. या बैठकीत विविध राज्यातील कोरोनाबाबतच्या परिस्थितीचा आढावा घेतला जाणार आहे. आरोग्य मंत्रालयाने सांगितले की, गेल्या २४ तासांत देशात कोरोना विषाणूचे ५,३३५ नवीन रुग्ण आढळले आहेत. कोरोना सक्रिय प्रकरणांमध्येही वाढ झाली आहे. सक्रिय प्रकरणे आता २५,५८७ पर्यंत वाढली आहेत. प्रदीर्घ काळानंतर देशात एकाच दिवसात ५ हजारांहून अधिक कोरोनाची प्रकरणे समोर आली आहेत. काल म्हणजेच बुधवारी ४,४३५ कोरोना पॉझिटिव्ह होते.
देशाची राजधानी दिल्लीतही कोरोनाचे रुग्ण वाढत आहेत. मंत्रालयाने सांगितले की, दिल्लीत गेल्या २४ तासांत ५०९ कोरोना रुग्ण आढळले आहेत. त्याच वेळी, दिल्लीमध्ये कोरोनाच्या सक्रिय रुग्णांची संख्या १७९५ वर पोहोचली आहे. याशिवाय नोएडामध्ये ४७ रुग्ण आढळले आहेत, तर गाझियाबादमध्ये एकूण १३ रुग्ण आढळले आहेत. आतापर्यंत देशात २२०. ६६ कोटीहून अधिक कोरोना लसीचे डोस देण्यात आले आहेत. पहिला डोस १०२. ७४ कोटींहून अधिक लोकांना देण्यात आला आहे. याव्यतिरिक्त, सुमारे ९५. २० कोटी लोकांना दुसरा डोस देण्यात आले आहेत. त्याच वेळी, २२.७२ कोटींहून अधिक लोकांना प्री-व्हॅकेशन डोस देखील मिळाला आहे.
हे ही वाचा :
अरबी समुद्रातील संशयास्पद बोटीचा पाकिस्तानी कनेक्शन नसल्याचा दावा
Ram Navmi 2023, ठाण्यातील ऐतिहासिक श्री सिद्धेश्वर राम मंदिरात रामनवमीचा जल्लोष
