Hindi Divas 2024: संपूर्ण भारत देशात १४ सप्टेंबरला हिंदी दिवस साजरा केला जातो. हिंदी दिवस हा भारताच्या सांस्कृतिक दिनदर्शिकेतील महत्त्वाचा दिवस मानला जातो. १९४९ मध्ये हिंदीला भारताची अधिकृत भाषा म्हणून स्वीकारल्याच्या स्मरणार्थ हा दिवस साजरा केला जातो. १४ सप्टेंबर १९४९ रोजी भारतीय संविधान सभेने हिंदी ही अधिकृत भाषा म्हणून स्वीकारली. ज्याने सरकारी, शैक्षणिक आणि दैनंदिन जीवनात तिच्या वापराचा मार्ग मोकळा झाला आणि हिंदी ही अधिकृत भाषा म्हणून स्वीकारली गेली. हा दिवस भारताचा समृद्ध सांस्कृतिक वारसा दाखवतो. तसेच परंपरा आणि मूल्ये जपण्यासाठी भाषेचे महत्त्व अधोरेखित करतो.
हिंदी दिवस हा विविध कार्यक्रमांसह साजरा केला जातो. ज्यामध्ये साहित्यिक महोत्सव, हिंदी कविता वाचन आणि भाषा स्पर्धा यांचा समावेश केलेला असतो. हिंदी ही जागतिक स्तरावर तिसऱ्या क्रमांकावरील सर्वाधिक बोलली जाणारी भाषा आहे. शतकानुशतके पसरलेल्या या समृद्ध साहित्यिक वारस्याने भारताच्या सांस्कृतिक ओळखीमध्ये मोलाचे योगदान दिले आहे. हिंदी दिवस हा भाषेच्या शक्तीचा आणि देशाचा सांस्कृतिक व भौगोलिक फरक दूर करण्यासाठी साजरा केला जातो. या दिवशी हिंदी भाषेला प्रोत्साहन दिले जाते. तसेच तरुण पिढीमध्ये तिचे सौंदर्य आणि अभिव्यक्ती जतन करण्याची एक संधी असते.
हिंदी दिवस हा भारताच्या भाषिक वैविध्याचा आणि सांस्कृतिक वारस्याचा उत्सव आहे. ज्यामुळे राष्ट्रीय एकात्मता आणि अस्मितेचे प्रतीक म्हणून हिंदीचे महत्त्व अधिक दृढ करते. त्यामुळे नागरिकांमध्ये भाषेबद्दल अभिमान आणि कौतुक या बाबींना प्रेरणा देते. त्याचप्रमाणे हिंदी दिवस उल्लेखनीय हिंदी लेखक, कवी आणि भाषाशास्त्रज्ञांच्या योगदानाचा सन्मान करतो, ज्यांनी भाषेच्या जडणघडणीत मोठा हातभार लावला. त्यांच्या साहित्य कलाकृतींनी हिंदी साहित्यच समृध्द केले नाही तर भारताच्या वैविध्यपूर्ण परंपरा आणि मूल्येही प्रतिबिंबित केली आहेत.