PM Modi Pune Visit : भारत सरकार देशात इलेक्ट्रिक वाहनांची संख्या वाढवण्यासाठी सातत्याने पावले उचलत आहे. यासाठी सरकार इलेक्ट्रिक वाहनांच्या खरेदीवर अनुदान देत आहे. मात्र इलेक्ट्रिक वाहन खरेदी करण्यापूर्वी या वाहनांच्या चार्जिंगबाबत लोकांच्या मनात प्रश्न आहे. आता पंतप्रधानांनी देशात ५०० नवीन चार्जिंग स्टेशन सुरू केले आहेत.
पंतप्रधान नरेंद्र मोदी यांनी आज, रविवार, २९ सप्टेंबर रोजी महाराष्ट्र राज्यातील पुणे शहरात मेट्रो रेल्वे प्रकल्पाच्या पहिल्या टप्प्याचे उद्घाटन केले. यासोबतच पंतप्रधानांनी हरित ऊर्जेच्या क्षेत्रात ईव्ही चार्जिंग स्टेशन्स आणि एलएनजी स्टेशन्सचीही सुरुवात केली. केंद्र सरकारने पुण्यात पेट्रोलियम आणि नैसर्गिक वायू क्षेत्रात कोट्यवधी रुपयांच्या योजना सुरू केल्या. पंतप्रधान मोदींनी देशात ५०० नवीन ईव्ही चार्जिंग स्टेशन लॉन्च केले आहेत. त्याच वेळी, भारत सरकारने २०२५ पर्यंत १० हजार ईव्ही चार्जिंग स्टेशन स्थापित करण्याचे लक्ष्य ठेवले आहे, ज्यासाठी १५०० कोटी रुपये ठेवण्यात आले आहेत. यासोबतच पंतप्रधानांनी देशात २० लिक्विफाइड नॅचरल गॅस (एलएनजी) स्टेशन सुरू केले आहेत, त्यापैकी तीन महाराष्ट्रात सुरू करण्यात आले आहेत.
पंतप्रधान मोदींनी पुण्यातील मेट्रो रेल्वे प्रकल्पाचे जाळे विस्तारले आहे. या प्रकल्पांतर्गत ९ नवीन स्थानकांचा विस्तार करण्यात आला आहे. यासोबतच सोलापूर विमानतळाचे उद्घाटन करण्यात आले आहे. क्रांतीज्योती सावित्रीबाई फुले यांच्या पहिल्या मुलींच्या शाळेच्या भिडेवाडा स्मारकाचे भूमिपूजनही पंतप्रधान मोदींनी केले. या योजनांच्या शुभारंभप्रसंगी पंतप्रधान मोदींनी पुण्यातील जनतेला संबोधित केले. पंतप्रधान म्हणाले की, आज पुणे वेगाने पुढे जात आहे. पुण्यात मेट्रो आधी यायला हवी होती. मुख्यमंत्री एकनाथ शिंदे यांच्या नेतृत्वाखाली डबल इंजिनचे सरकार चांगले काम करत आहे .
हे ही वाचा:
Instagram ची सेवा रात्रीपासून ठप्प, जगभरातील लाखो यूजर्स वैतागले
Gautami Patil चा नादच खुळा!, थेट लग्नाच्या वाढदिवसाला नाच-गाण्याचा कार्यक्रम