सोमालियाच्या शिक्षण मंत्रालयाबाहेर काल झालेल्या कार बॉम्बस्फोटात किमान १०० लोक ठार आणि ३०० जखमी झाले. शनिवारचा हल्ला सोमालियाची राजधानी मोगादिशूमधील सर्वात प्राणघातक हल्ल्यांपैकी एक होता. यापूर्वी ऑक्टोबर २०१७ मध्ये याच ठिकाणी ट्रक बॉम्बस्फोटात ५०० हून अधिक लोकांचा मृत्यू झाला होता.
सोमालियाची राजधानी मोगादिशूमध्ये शनिवारी, २९ ऑक्टोबर रोजी दोन कार बॉम्बस्फोट झाले. ज्यात ३० लोकांचा मृत्यू झाल्याची माहिती मिळाली. तर आता मृतांची संख्या १०० वर पोहोचली आहे. त्याचबरोबर या हल्ल्याची जबाबदारी आतापर्यंत कोणत्याही दहशतवादी संघटनेनं स्वीकारलेली नाही. सोमालियन सरकारने या स्फोटासाठी अल-शबाब या अतिरेकी गटाला जबाबदार धरले आहे. या अतिरेकी गटाचे अल-कायदाशी संबंध आहेत. जेव्हा मोठ्या संख्येने नागरिक मारले जातात तेव्हा गट बहुतेकदा जबाबदारीचे दावे करत नाही. स्फोटाच्या लाटेने परिसरातील खिडक्यांच्या काचा फुटल्या आणि इमारतीच्या बाहेर रक्ताचा साठा दिसत होता. सरकार, मिलिशिया गटांसह, देशाच्या मोठ्या भागावर कब्जा करणार्‍या अतिरेक्यांच्या विरोधात नवीन आक्रमण करण्यात गुंतले आहे.
सोमालियाच्या राष्ट्रीय वृत्तसंस्थेनुसार, पोलीस प्रवक्ते सादिक दोडिशे यांनी सांगितलं की, दोन कार बॉम्बस्फोट झाले. असोसिएटेड प्रेसच्या पत्रकारांना घटनास्थळावरून अनेक मृतदेह सापडले. अमेन रुग्णवाहिका सेवेच्या संचालकांनी एपी वृत्तसंस्थेला सांगितलं की, त्यांनी अनेक जखमी किंवा ठार झालेले लोक गोळा केले आहेत. अब्दुल कादिर अदेन यांनी ट्वीटमध्ये सांगितलं की, दुसऱ्या स्फोटात एक रुग्णवाहिका उद्ध्वस्त झाली. रुग्णालयातील कर्मचाऱ्यानं दिलेल्या माहितीनुसार, या घटनेनंतर ३० जणांचे मृतदेह रुग्णालयात आणण्यात आले, त्यात महिलांची संख्या जास्त होती. आता हा आकडा १०० वर पोहोचला आहे. मीडिया रिपोर्ट्सनुसार, ५ वर्षांपूर्वी या ठिकाणी बॉम्बस्फोट झाला होता. ज्यामध्ये ५०० हून अधिक लोकांचा मृत्यू झाला होता.
हे ही वाचा :
Edit Tweet Button : आता ट्विट करा एडिट; एडिट फिचर झाले लाँच
साजिद खानच्या अडचणीत वाढ; पोलिसांकडून अभिनेत्रीवर लैंगिक छळाची तक्रार दाखल