फूड डिलिव्हरी प्लॅटफॉर्म स्विगीने (Swiggy) शुक्रवारी ३८० कर्मचाऱ्यांना कामावरून काढण्याची घोषणा केली. याबाबत माहिती देताना कंपनीने म्हटले आहे की, हा खूप कठीण निर्णय आहे. बदल करण्याच्या प्रयत्नांचा एक भाग म्हणून त्यांनी हे पाऊल उचलले आहे. कंपनीने ३८० संभाव्य कर्मचाऱ्यांना काढून टाकण्याबाबत सांगितले की, आम्ही आमच्या टीमला कमी करण्यासाठी हा कठीण निर्णय घेत आहोत.कंपनीचे सीईओ श्रीहर्ष मॅजेती यांनी कर्मचाऱ्यांना त्यांच्या वतीने पाठवलेल्या मेलमध्ये म्हटले आहे की, सर्व संभाव्य उपायांचा विचार करून हा निर्णय घेण्यात आला आहे. आपल्या ईमेलमध्ये त्यांनी छाटणीचा हा निर्णय घेतल्याची अनेक कारणे सांगण्यासोबतच याबाबत कर्मचाऱ्यांची माफीही मागितली आहे.
कर्मचाऱ्यांना कामावरून काढून टाकण्याचा निर्णय घेण्यामागे स्विगीने दिले कारण
कंपनीने सांगितले की, मंदीमुळे त्यांना अनेक आव्हानांचा सामना करावा लागत आहे. कंपनीने उघड केले की फूड डिलेव्हरी विभागातील वाढीचा दर मंदावला आहे, परिणामी नफा कमी झाला आणि कमाई कमी झाली. तथापि, स्विगीकडे स्वतःला टिकवून ठेवण्यासाठी पुरेसा रोख साठा नसल्याचा दावाही त्यांनी केला आहे. स्विगीने लोकांना काढून टाकण्याच्या निर्णयासाठी ‘ओव्हरहायरिंग’लाही दोष दिला आहे.
स्विगीचे सीईओ म्हणाले, “फूड डिलिव्हरी सेगमेंटमधील वाढीचा दर खाली आला आहे, जो कंपनीच्या अंदाजांच्या पूर्णपणे विरुद्ध आहे. त्यामुळे कंपनीने आपले नफा लक्ष्य साध्य करण्यासाठी टाळेबंदीचा कठीण निर्णय घेतला आहे.” ते पुढे म्हणाले, “आम्ही इतर अप्रत्यक्ष खर्च जसे की पायाभूत सुविधा, कार्यालय/सुविधा इत्यादींवर आधीच कारवाई करण्यास सुरुवात केली होती. भविष्यातील अंदाजानुसार आम्हाला आमच्या एकूण कर्मचार्‍यांच्या खर्चाचे आकारमान योग्य करणे आवश्यक आहे.
हे ही वाचा:
IND vs NZ दुसऱ्या वनडेपूर्वी टीम इंडियासाठी वाईट बातमी, बीसीसीआयने केली मोठी कारवाई
डीजीसीएने केली मोठी कारवाई, एअर इंडियाला ३० लाखांचा दंड तर पायलटचा परवानाही केला रद्द