Nepal Plane Crash : नेपाळ मधून आताच्या घडीची सर्वात मोठी बातमी समोर येत आहे. नेपाळची राजधानी (capital of Nepal) काठमांडूमध्ये (Kathmandu) टेकऑफ दरम्यान विमान कोसळले आहे. या विमानात १९ जण होते. यामध्ये आतापर्यंत १८ जणांचा मृत्यू झाला आहे. बचाव पथकाने पाचही प्रवाशांचे मृतदेह बाहेर काढले आहेत, तर कॅप्टन शाक्य (Captain Shakya) यांना उपचारासाठी नेण्यात आले आहे. बुधवारी काठमांडूतील त्रिभुवन आंतरराष्ट्रीय विमानतळावर (Tribhuvan International Airport) सूर्या एअरलाइन्सचे विमान (Surya Airlines aircraft) उड्डाण घेत असताना अपघात झाला.
जवळपास दीड वर्षानंतर नेपाळमध्ये पुन्हा एक मोठा विमान अपघात झाला आहे. यामध्ये १८ जणांचा मृत्यू झाला. त्याचवेळी विमानाचा पायलट गंभीर जखमी झाला आहे. नेपाळची राजधानी काठमांडू येथे टेकऑफ दरम्यान हा अपघात झाला. काठमांडू पोस्टनुसार, हे विमान सौर्य एअरलाइन्सचे आहे. ज्याने बुधवारी सकाळी काठमांडूतील त्रिभुवन आंतरराष्ट्रीय विमानतळावरून उड्डाण केले. विमान अपघाताचे मुख्य कारण अद्याप समोर आलेले नाही, परंतु मीडिया रिपोर्ट्स सांगत आहेत की विमान धावपट्टीवरून घसरले आणि नंतर क्रॅश झाले. मात्र, सध्या तांत्रिक पथक अपघाताच्या कारणाचा तपास करत आहे. नेपाळमधील हा पहिला विमान अपघात नाही, याआधीही जानेवारी २०२३ मध्ये एक विमान कोसळले होते. यामध्ये ६८ जणांचा मृत्यू झाला. या अपघातात काठमांडूपासून २०५ किमी दूर पोखरामध्ये यति एअरलाइन्सचे विमान कोसळले. आज दुर्घटनाग्रस्त झालेले विमानही पोखराला जाणार होते.
हे ही वाचा : Nepal Plane Crash : नेपाळमधील काठमांडू टेकऑफ दरम्यान सूर्या एअरलाइन्सचे विमान कोसळले, ५ जण जागीच ठार तर…
आतापर्यंत नेपाळमधील विमान अपघातात शेकडो लोकांचा मृत्यू झाला आहे. जानेवारी 2023 मध्ये अपघात झाला होता. यति एअरलाइन्सच्या विमान अपघातात ६८ जणांना जीव गमवावा लागला. या अपघातानंतर जगभरात बरीच चर्चा झाली. तसेच मे २०२२ मध्ये नेपाळच्या डोंगराळ मुस्तांग जिल्ह्यात विमान कोसळले होते. यामध्ये ४ भारतीयांसह २२ जणांचा मृत्यू झाला होता. मार्च २०१८ मध्ये काठमांडू येथील त्रिभुवन आंतरराष्ट्रीय विमानतळावर एक मोठी दुर्घटना घडली. ६७ प्रवासी आणि 4 कर्मचारी घेऊन गेलेले यूएस-बांगला एअरलाइन्सचे विमान येथून कोसळले. यामध्ये ४९ जणांचा मृत्यू झाला. फेब्रुवारी २०१६ मध्येही नेपाळच्या कालीकोट जिल्ह्यात ११ जणांना घेऊन जाणारे विमान कोसळले होते. येथे लँडिंग आणि टेकऑफ करण्यात खूप अडचणी येत आहेत. त्याच वेळी, विमानतळांवर कोणतेही अद्ययावत तंत्रज्ञान नाही, ज्यामुळे लँडिंग व्यवस्था चांगली नाही. इथे छोटीशी चूक मोठी दुर्घटना ठरते. येथे कोणतेही कठोर सुरक्षा नियम नाहीत. नेपाळमध्ये दरवर्षी काही ना काही मोठे विमान अपघात होतात.
तर आज झालेल्या अपघाताची माहिती मिळताच सरकारने मदत आणि बचाव कार्यासाठी लष्कराचे जवान घटनास्थळी पाठवले. वैद्यकीय आणि लष्कराचे जवान मदतकार्यात गुंतले आहेत. ज्या प्रकारची आग लागली आहे ती वाईट बातमी दर्शवत आहे. टीआयएचे प्रवक्ते प्रेमनाथ ठाकूर यांनी सांगितले की, विमानातील कर्मचाऱ्यांसह एकोणीस जण पोखरा-जाणाऱ्या विमानात होते. सकाळी अकराच्या सुमारास विमान कोसळले. अपघातस्थळी पोलीस आणि अग्निशमन दलाचे जवान बचावकार्य करत आहेत. अपघातानंतर संपूर्ण परिसरात धुराचे लोट पसरले आहेत.
हे ही वाचा:
MCA ELECTION : अजिंक्य नाईक ठरले MCA च्या नव्या अध्यक्षपदाच्या विजयाचे मानकरी..
