पश्चिम बंगालच्या बांकुरा जिल्ह्यातील एक व्यक्ती ‘कुत्र्या’सारखा भुंकतो, कुत्र्यासारखा दोन्ही हात आणि पाय धरून चालतो, गाडीच्या मागे धावतो आणि बोलत असतानाही भुंकतो. याच कारण म्हणजे त्या व्यक्तीच्या रेशन कार्डवर नाव बदलल्याने तो अशा प्रकारे वागत आहे. तर या घटनेचा व्हिडिओ सध्या सोशल मीडियावर प्रचंड व्हायरल झाला आहे.
View this post on Instagram
हेही वाचा :
दरम्यान, श्रीकांती कुमार दत्ता असं पीडित व्यक्तीचे नाव असून त्याच्या रेशन कार्डवर वारंवार आडनावाच्या चुका होत होत्या. तब्बल तीन वेळा श्रीकांती कुमार यांच्या दत्ता या आडनावाऐवजी कुत्ता असं छापण्यात आलं होतं. बऱ्याच वेळा नाव चुकल्यामुळे या व्यक्तीला संताप अनावर झाला आणि त्याने कुत्रा बनून अधिकाऱ्याला चांगलाच धडा शिकवला आहे. कुत्र्यासारखं भुंकत त्याने आपली कैफियत अधिकाऱ्यासमोर मांडल्याने अधिकारी नि:शब्द झाल्याचं पाहायला मिळालं.
नाव बदलण्याच्या तक्रारीकडे अधिकारी दुर्लक्ष करत असल्यामुळे ही कल्पना श्रीकांतीला आली. स्थानिक अधिकारी कार्यालयात पोहोचल्यावर तो लोकांसमोर ‘कुत्र्या’सारखा वागू लागला. अधिकारी त्यांच्या अधिकृत वाहनात बसून कार्यालयात पोहोचले तेव्हा श्रीकांती त्यांना तक्रार अर्ज देत असतानाही कुत्र्यासारखे भुंकत राहिले. त्याच्या अशा वागण्याने अधिकारी घाबरले. त्यानंतर तिचा अर्ज घेतल्यानंतर अधिकाऱ्यांना संपूर्ण बाब समजली आणि त्यांनी कर्मचाऱ्यांना श्रीकांतीच्या नावातील ‘कुत्रा’ हा शब्द काढून रेशनकार्डवर तिचे योग्य नाव पुन्हा लिहिण्याचे आदेश दिले.
CISCO : मेटा, अॅमेझॉन नंतर सिस्को करणार ५ टक्के कर्मचार्‍यांची कपात
