२०२२ हे वर्ष आयपीओ (IPO) मार्केटसाठी संमिश्र ठरले आहे. या वर्षी अनेक कंपन्यांच्या आयपीओने गुंतवणूकदारांना उत्कृष्ट परतावा दिला आहे. त्याचबरोबर काही कंपन्यांच्या आयपीओमुळे (IPO) मोठे नुकसानही झाले. या वर्षातील आतापर्यंतच्या सूचीबद्ध आयपीओवर (IPO) नजर टाकल्यास, अदानी विल्मरच्या (Adani Willmar) आयपीओने (IPO) सर्वोत्तम परतावा दिला आहे. अदानी विल्मरने (Adani Willmar) १५५ टक्‍क्‍यांहून अधिक रिटर्न पोस्ट लिस्ट केले. यासह, हा २०२२ या वर्षाचा सर्वाधिक परतावा देणारा आयपीओ (IPO) बनला आहे.
या कंपन्यांनी गुंतवणूकदारांना दिला सर्वाधिक परतावा
प्राइम डेटाबेसच्या आकडेवारीनुसार, यावर्षी जानेवारीमध्ये सूचीबद्ध झालेल्या अदानी विल्मारने (Adani Willmar) लिस्टिंगच्या दिवशी १५.३० टक्के आणि २१ डिसेंबर रोजी १५५.५९ टक्के परतावा दिला. व्हीनस पाईप्सने (Venus Pipes) १२८.५३ टक्के परतावा दिला आहे, तर हरिओम पाईप इंडस्ट्रीजने (Hari Om Pipes Industries) सूचीबद्ध झाल्यापासून ११२.५८ टक्के परतावा दिला आहे, तर वेरांडा लर्निंगने (Veranda Learning) ९३.८० टक्के परतावा दिला आहे.
एलआयसी (LIC) आणि डिलिव्हरीने केले (Delivery) मोठे नुकसान
निगेटिव्ह पोस्ट-लिस्टिंग रिटर्नमध्ये, एलआयसीने (LIC) २६ टक्के, डिलिव्हरीने (Delivery) ३१ टक्के, आयनॉक्स ग्रीन एनर्जीने (Inox Green Energy) २६ टक्के दिले. लिस्टिंग दिवसाच्या कामगिरीच्या संदर्भात, डि सी एक्स सिस्टम्सने (DCX System) सर्वाधिक ४९.१८ टक्के परतावा दिला, त्यानंतर हर्षा इंजिनियर्सने (Harsha Engineers) ४७.२४ टक्के परतावा दिला.
आयपीओला गुंतवणूकदारांचा पाठिंबा
प्राइम डेटाबेसचे व्यवस्थापकीय संचालक प्रणव हल्दिया (Pranav Haldiya) म्हणाले की, यशस्वी झालेल्या सर्व आयपीओना आवश्यक सबस्क्रिप्शन मिळाले आहे. जरी एखादा आयपीओ (IPO) एक वेळा सबस्क्राइब झाला असला तरी, त्या किंमतीत आयपीओला (IPO) पुरेशी मागणी होती हे दाखवते. हल्दिया म्हणाले की आयपीओ (IPO) नंतर, ते कोणत्याही सूचीबद्ध कंपनीसारखे आहेत आणि त्यांची कामगिरी अर्थव्यवस्था, क्षेत्र आणि कंपनीच्या कामगिरीवर अवलंबून असते. अहवालात असे म्हटले आहे की यूएस फेडच्या २०२३ मध्ये आरबीआयच्या धोरणात्मक कृतींमुळे बाजाराला चालना मिळू शकते. वर्ष २०२३ मध्ये दोन थीम असण्याची अपेक्षा आहे, असे अहवालात म्हटले आहे. पत वाढ आणि कॅपेक्स आणि त्यामुळे BFSI, भांडवली वस्तू, पायाभूत सुविधा, सिमेंट, गृहनिर्माण, संरक्षण, रेल्वे यासारख्या क्षेत्रांवर लक्ष केंद्रित केले जाऊ शकते.
हे ही वाचा:
ICICI बँक कर्ज प्रकरणात, वेणूगोपाल धूत यांना सीबीआयकडून अटक
Bollywood Film Industry तुनिषाच्या आत्महत्येनंतर, परत एकदा ‘या’ सर्व प्रकरणाची होते आठवण